Zan Kim Gamdaih Kim Laitakin

Verse 1

Zankim gamdaih kim laitakin Hong ging vanglian la pi Vantung mite hong kum sukin Kham gawsem tawh sa hi "Vantung Kumpipa kiang panin Nopna leitung dim hen" Ci'n hong sak laitak leitung mi'n Dai khipkhep in ngai hi

Verse 2

Van kong pan hong pai lailai mah Kilemna kha zakin Gimna dimna hih leitung ah Van la ngaih kiza lai Dahna lungkhamna kuam tungah Hong leeng diaidiai uh aa Pau nam tampi gamlum lak ah Vantung la pha hong sa

Verse 3

Leitung nuntaak vangik nuai ah Vangik lel a omte Nuntaak haksa lamto-a kah Pheiphung suan kha mi aw En un, lungdam nuamna ding hun Manlang va bang hong leeng Gimna lam gei ah na khawl un Vantung la ngai dih un

Verse 4

Thei un, hong tung petmah ding ta Tang kamsangte gensa A kum a kha hong vei ding aa Hong tung ding kham hunpha Leitungah nopna lemna pha A vaang hong taang ding ta Vantung mite hong sak la pha Leitung mi'n dawng ding ta