Hondampa Hong Piang

Verse 1

Mang vontawi Immanuel Hondampa a hong piangta Mawhna pan i sianna di’n a hong piangta Lei mite a dia Kumpi Lemna Lal a hong hi dia A gam zaw a bei ngeilou a hong hi ding

Verse 2

Van mun nuam ahon nusia Lei mun niam ah hong tualkum Gan an piakna kuang sung ah a hong zaalta Nang leh kei a hon it vang Lei mun niam a hon teelta Ei di’n Kumpi hong piangta, i sang ding uh

Verse 3

Na Lalgam ka lung sung uah Tuihing lui in hong luang hen Hong piang hen kilemna leh ki-itnate Aw Jesu ka hon ngai uh Lemna Kumpi hi ding in Michih dia kilemna Lal Nang hong hi in

Chorus

Hondampa a hong piangta Judia gam Bethlehem ah Amah Khrist i Toupa ngei a hong piangta Tung Pathian thupi henla Leitung ah kilemna leh Deihsakna mihingte kiang om hen