Ka Zua Pa Aw

Verse 1

Sen momno cil pan in, ham bangin hong huaito aa Ka ciin leh tuai nih thum tawh, pak bangin a hong tawi Nuntak zia ding hong hilh, Sian Mang thu tawh hong makaih Nong itna lianlua sang, ka Zuapa aw

Verse 2

Lungkham haksatnate, hong thuakin zong thumlo maw Pilna, siamna hong sinsak, lam a hong lak tawntung Silh leh ten hong guan in, neek ding dawn ding hong zonsak Gual lai nunnuam kim ding'n sinthu nong muam

Verse 3

Ka Tuunnem tawh kopin, lungtuak tongdam kumkhawm in Na von deih zatam teng tawh, nunnuam tuibang luangkhawm Zuasau Mang liimnuai ah, Sian hawm sunni hong taang ee Zua aw Nong itna lian, lianlua sang ee

Chorus

Mimbang pianna Zuapa, tehkim omlo Nong itna Ken bang tawh hong thukzo ding ka hiam Sian in hong siamhen la, khan kumsawt taangbang damin Lam hong pi lai-in aw, ka Zuapa aw