Itna In Zo (Good Friday)

Verse 1

Itna kip tawh hong it hi Mivom, mikang deidan tuanlo A siam a hat, a zawng a hau khen tuanlo in A ki bang'n hong it in A nuntakna hong pia hi

Verse 2

Khua-ul si bang luang lunggim in Bawl siatna namkim hong thuak Leitung mi khempeuh hong it luat manin Singlamteh tung ah thahna hong thuak zen hi

Verse 3

A lutung linglukhu kikhusak A khut leh khe sikpim tawh kikilh A pangpi teipi tawh kidawt lailai Aw ka Topa Nong itna, aw lamdang lua sii ee..

Verse 4

Ni leh kha aksite'n en ngamlo Van vasa, ganhingte'n zong ham ngam lo "Pa aw, Pa aw, bang ding hong taisan Na hiam?" Ci-in ka Topa lu kunin, hong itna in zo hi

Chorus

Kei Nong itna, Aw lian zen si, lian zen si Singlamteh tung thahna Nong thuak maw Kei Nong itna, Aw lamdang si lamdang si Nong itna lianlua ee ka Topa aw