Nuntak Hun Tom Mahmah Hi

Verse 1

Nuntaak hun tom mahmah hi Singteh pulh tawh kibang hi Husan khat tawh kibang hi, hunlap in! A ni a nai hong cingcing A hun na lapkei kha ding Na husan hong bei kha ding, hunlap in!

Verse 2

Paak hoih pen zong vulpak thei Meel hoihna zong kiikpak thei Sawtpi hing ding na hi kei, hunlap in! Kha Siangtho’ hong zollai in Mawhnei aw, vak nawnkei in Siatna na bawl suak ma in, hunlap in!

Verse 3

Hunte mengmeng in bei hi Sihna, thukhenna nai hi Zeisu’ ang vazuan ta ni, hunlap in! Lawm aw, geel in na tuak ding Gimna mun na tungkha ding Hell khuuk sung na tung kha ding, hunlap in!

Verse 4

Mawhnei aw, A aw ngai ve Tu’n Topa mah hong teel ve Hong nuam pih ding vantung in, hunlap in! Khuamial pan khuavak zuan aw Zeisu kibawl hoihsak aw Van lam zuan ding hong pai aw, hunlap in!

Chorus

Hunlap in! Hunlap in! Zeisu in nang hong saplai in, hunlap in! Mawhna sungsawt na thaamleh Kong honsa’n mukei niteh Na kiko na’n lapken teh, hunlap in!