Hehpihna A Ngente

Verse 1

Lungdamna thupha ngai in, gamla a nai gen in Sihna thuak Topa Zeisu, hong gupna thu gen in Om tawntung hi Ama thu, A thuciam kip ding hi Topa Zeisu a umte, A min thangsak ding hi

Verse 2

Sawt vei khuamial aa omte, mawhna lam a zuite Topa Zeisu’n tan napi, en in thupha bel hi Lungsim na neih zah in ah, A thuciamna um in Topa kiangah thu ngente, kisia ngeilo ding hi

Verse 3

Leitung ah vangik puate gimna tawlna thuak mi Na vangik a pua dingin Topa in hongngak hi Thupha lamdang hong pia aa, mi khempeuh hawmsak hi Topa Zeisu thu umte a min thangsak ding hi

Chorus

Topa Pasian kiangah, hehpihna ngente in Gupna thupha maantak aa ngahthei ding uh hi Topa Pasian kiangah hehpihna ngente in Gupna thupha maantak aa ngahthei ding uh hi