Mawh Neite Aw Hong Pai Un

Verse 1

Zeisu in vantung om napi, leitung ah hong paisuk hi Mihingte taang ding hong om aa, cinate cii damsak hi Lai Siangtho sungah kithei ta, a hoih a lian pha bel hi

Verse 2

Khua khempeuh ah a kawivak aa, mi khempeuh a hehpih hi Mihing zawngkhal khempeuhte leh, mittaw, khelbai, misite A thu in hong damkik sak aa, lamdang kisa mahmah hi

Verse 3

Zeisu in leitung omlai in, thupha vive a gen hi Keimah zong Zeisu ka um hi, ka lungdamna piang ding hi Ka uplohna Pa Pasian in, phatak in hong bawl pha in

Verse 4

Pasian in thupha hong piakna, Zeisu’n mi kiang ah gen hi Mihing kimkhat in a um aa, kimkhat in a um lo hi A um lote in lung khamna, Zeisu cih bang piang ding hi